Тәжвирусы: 18 елде 98 адам вирус жұқтырған

Қытайдағы вирус тек ел ішінде ғана тарап қоймай, өзге мемлекеттерге де таралуда. Қытайдан бөлек әлем елдерінде 98 адам тәжвирусын жұқтырған.

Қазіргі таңда тәжвирусы 18 мемлекетте анықталды. Бұл туралы Дүниежүзілік денсаулық сақтау ұйымының басшысы Тедрос Адан Гебреисус мәлімдеді.

- Қазіргі таңда әлемнің 18 елінде 98 азамат вирусты жұқтырған. Соның ішінде сегіз адам Қытайдан тыс жерде вирусты жұқтырып үлгерген. Олар Германия, Жапония, АҚШ, Вьетнам азаматтары, - деді ол.