Сыбайлас жемқорлық туралы хабарлама берген азаматтарға сыйақы беріледі

Сыбайлас жемқорлыққа қарсы қызмет басшысы Алик Шпекбаев қазақстандықтарды ынталандыруды ұсынды.

Оның айтуынша, сыбайлас жемқорлық қылмысы туралы хабарлаған азаматтардың ең жоғары сыйақы мөлшері 10,6 млн теңгеден асады.

Президенттің тапсырмасын іске асыру үшін үкімет сыбайлас жемқорлық фактілері туралы хабарламалары үшін азаматтарға сыйақы берудің жаңа жүйесі туралы қаулыны мақұлдады.

- Сыбайлас жемқорлық фактісі туралы хабарлаған адам соттың айыптау үкімінен кейін пара немесе залал сомасының 10%-ын ала алады. Ең жоғары сыйақы 10 млн 600 мың теңгені құрайды, - деп атап өтті Шпекбаев.