Семейдегі әуежайға Абай есімі берілді

Семей қаласындағы әуежайға Абай атын беру туралы ұсыныс қолдау тапты. Қаладағы әуежай атауы ағартушының 175 жылдық мерейтойы қарсаңында өзгеріп отыр.

Семей қалалық мәдениет және тілдерді дамыту бөлімінің бас маманы Анаргүл Бүркітбаеваның айтуынша, әуежайды Абай атымен атау туралы ұсыныс өткен жылы түскен. Осыған орай құжаттар облыстық ономастикалық комиссияға жіберілген. 2019 жылдың желтоқсан айының соңында республикалық ономастика комиссиясы келісім берген.

Әуежай қайта жөндеуден өткеннен соң халықаралық статусқа ие болды.