Си Цзиньпин мен Трамп Қытайдағы коронавирус мәселесін талқылады

Қытай президенті Си Цзиньпин мен АҚШ президенті Дональд Трамп 7 ақпан, жұма күні таңертең коронавирусқа қарсы күрес және оның экономикаға ықтимал әсерін талқылады, деп хабарлайды Қытайдың орталық теледидары.

- Қытай үкіметі мен халқы коронавируспен күресу үшін барлығын жасауда, - деп арна Қытай басшысының сөзін келтіреді.

Си Цзиньпин, сондай-ақ, пневмонияның таралуы Қытайдың экономикалық дамуын тежей алмайтындығына сенім білдірді.

Өз кезегінде Дональд Трамп Вашингтон коронавирусқа қатысты жағдайға «сабырлықпен қарауға» уәде берді.

Сондай-ақ, Трамптың Қытайға коронавируспен күресте көмек ұсынғандығы туралы хабарланды.