Балаңызға қандай тәрбие бересіз?

Сіз шақалақ кезіңізде бесік жырын, сәл есейгенде ертегі тыңдап ұйықтаушы ма едіңіз?

Алғашқы күндері нәресте барлық ақпаратты құлақпен алады. Сол үшін бесіктің қасында сөйлесуге, музыка қоюға болмайтынын ескеріңіз. Тіпті романтикалық әуендерді де тыңдату орынсыз.

Америкалық биологтардың айтуынша, бесік жырын тыңдау кезінде бөбектің бойынан эндорфиндер (қуаныш гармондары) бөлінеді екен. Ал музыкадан сәби жүрегі қалыпты жағдайдан да қатты соғатын көрінеді.

Сондықтан бесік жырын бабына келтіріп, баяу орындау керек. Ана баланы әлдилегенде, көркем мінез бен асыл мұраттар бала болмысына дариды.