Бір апта ішінде сегіз адам тұмаудан қайтыс болды

Өткен аптада Украинада тұмаудан сегіз адам көз жұмды, ал эпидемиялық маусым басталғаннан бері 26 адам көз жұмған. Бұл туралы Денсаулық сақтау министрлігінің баспасөз қызметі хабарлады, деп жазады Корреспондент.net.

Айта кетерлігі, қайтыс болған бір де бір адам тұмауға қарсы егілмеген.

Интенсивті ауру деңгейі 100 000 тұрғынға шаққанда 741,8 құрады, бұл Украинадағы індет шегінен 55,6%-ға көп. 

Қазір Украинаның Киев және Харьков облыстарынан басқа барлық аймақтарында эпидемиялық белсенділік әр түрлі қарқынмен тіркелген.

Украинаның Денсаулық сақтау министрлігі аурудың алғашқы белгілерінде (бас ауруы, бұлшық еттер мен буындардың ауруы, 38°C-қа дейінгі қызудың көтерілуі, жөтел, кейде құсу мен диарея) отбасылық дәрігермен байланысып, өздігінен емделмеуге шақырды.