Әлемдегі ең бай адам «Жердің басты қатерімен» күресу үшін қор құрды

Әлемдегі ең бай адам болып саналатын Amazon компаниясының негізін қалаушы Джефф Безос климаттың өзгеруіне қарсы күрес қорын құрды. Бұл туралы о өзінің Instagram-да хабарлады.

Миллиардер климаттың өзгеруі – «планетамызға ең үлкен қауіп» екенін атап өтті. Ол «Безос Жер қорына» 10 миллиард доллар бөлуге ниетті.

Қордағы қаражат осы проблемамен жұмыс істейтін ғалымдарға, белсенділерге және үкіметтік емес ұйымдарға бөлінетін болады. Безос осы жазда гранттарды бере бастайды. Сондай-ақ миллиардер ірі және шағын компанияларға, түрлі мемлекеттердің үкіметтеріне, Халықаралық ұйымдарға және жай адамдарға климаттың өзгеруімен күресуге шақырды.

- Жер - бәрімізді біріктіретін нәрсе, оны бірге қорғайық, - деді Безос.