Наурыз мейрамы 8 күн бойы тойлануы мүмкін

Қазақстанда Наурыз мейрамы 8 күн бойы тойлануы мүмкін. Ғалымдар мен қоғам белсенділері осындай ойды ұсынды.

"Рухани жаңғыру" бағдарламасы аясында құрылған "Азаматтық алаң" пікірталас клубының алғашқы отырысында осы мәселе жан-жақты талқыланды.

Ұлық мерекені наурыздың 14-нен 22-не дейін тойлау арқылы оның маңыздылығын арттыра түсеміз, дейді зиялы қауым.

"Соңғы жылдары бұқаралық сипаттан ажырап, сахналық киіпке еніп, аздаған жұртшылықтың қызықтауына айналған бір фальклорлық қойылым көрінісінен аспауда. Мерекелік көңіл-күйді 31 желтоқсан - Жаңа жыл мерекесінен Ұлыстың ұлы күніне аударсақ деген мақсатпен ұсынып отырмыз. Сонымен қатар Наурыз мерекесінің бұқаралық тойлануын арттырсақ деген оймен", - деді "Рухани жаңғыру" қазақстандық қоғамдық даму институтының басқарма төрағасы Кемелбек Ойшыбаев.

Сондай-ақ шара барысында аталған бағдарламаның жұмысын жұртшылыққа баяндайтын жаңа елшілер таныстырылды.

Stan.kz