АҚШ Ауғанстандағы әскер санын азайта бастады

АҚШ Ауғанстандағы әскер санын "Талибан" радикалды қозғалысымен келісім аясында азайта бастағанын растады, деп мәлімдеді Пентагон.

Пентагон мәліметі бойынша, Ауғанстандағы Құрама Штаттардың Қарулы Күштері 135 күн ішінде 8600 сарбазын алып кеткен.

Америка тарапы "Әл-Каидаға" (Қазақстанда тыйым салынған террористік топ) және "Ислам мемлекетіне" (Қазақстанда тыйым салынған террористік топ) қарсы операциясын жалғастырады. Сондай-ақ, Вашингтон алдағы уақытта да Ауғанстанның қауіпсіздік күштеріне қолдау көрсетуге ниетті.