Ұстаз болып бірер күн...

Қашықтан үйде отырып оқыған ұл-қызымызға аз күн ұстаз боламыз деп ата-аналардың көпшілігі ұстаздардың жәй күнде елене бермейтін ерлікке тең еңбектерін мойындап қалды. 

Иә. Ыбырай Алтынсариның «Маған жақсы мұғалім бәрінен қымбат, өйткені, мұғалім – мектептің жүрегі» деген аталы сөзін жанымызбен ұғындық.

Әлемге аты жайылған Александр Македонский «Мен өзімнің ұстазыма әкемнен кем қарыздар емеспін: әкемнен өмір алсам, ұстазым Аристотельден өмірімді жақсы өткізу туралы білім алдым» деген екен. 

Аристотельдей ұстаздың ұлылығын осындай шоқтығы биік шәкірттері танытты. Біздің ұл-қыздарымыз да мықты мұғалімдерге лайықты оқушы бола білсе, біз бағындырмайтын белес жоқ.