ҰБТ-2020 қалай өтеді?

ҰБТ-да 11-сыныптың төртінші тоқсанында оқытылатын бағдарламадан сұрақ болмайды. Бұл туралы Ұлттық тестілеу орталығының директоры Дидар Смағұлов хабарлады. 

Қашықтан оқу оқушылардың тестке дайындалуына кедергі келтірмейді.

Дидар Смағұловтың айтуынша, оқушыларға төртінші тоқсан бағдарламасынан сұрақтар берілмейді. Яғни, тек 5-сыныптан бастап 11-сыныптың үш тоқсанына дейінгі аралықта сұрақ қойылады. Ол ҰБТ-ны өткізуде бұрынғы форматтың сақталатынын, қосымша санитарлық шектеу шаралары енгізілетінін де айтып өтті.

Сондай-ақ тест тапсырушылардың дене қызуы тексеріледі. Олардың арасындағы қашықтық ұлғаяды.

Білім және ғылым министрлігінің айтуынша, ҰБТ дәстүрлі түрде маусымның аяғында өтеді. Алайда коронавирусқа байланысты жағдай ушығып, карантин режимі жалғасатын болса, министрлік Б жоспарына көшеді.