«Қазпошта» сатылатын болды

Қазақпараттың жазуынша, бұл туралы «Самұрық-Қазына» ұлттық әл-ауқат қорының басқарма төрағасы Ахметжан Есімов Елбасы Н.Нұрсұлтанға есеп беру барысында мәлім еткен.

«Келесі компания - «Қазпошта». Осы жылдардың ішінде Қор компанияға 28 млрд теңге инвестиция бағыттады. Шалғай аудандардағы желілерінде 8 млрд теңге шығыны бар. Жыл сайын республикалық бюджеттен бөлінетін субсидия 4,2 млрд теңгені құрайды. Сондықтан кеңесшілер тікелей атаулы сатуды ұсынады», - деді Ахметжан Есімов Елбасы Нұрсұлтан Назарбаевтың төрағалығымен өткен Қорды басқару жөніндегі кеңесте.

Оның атап өтуінше, инвесторлар тарапынан қызығушылық бар. «Әрине, бұл жұмыстар да оңай емес. Дегенмен мақұлданған жағдайда біз оны барынша табысты жүзеге асыра аламыз деп ойлаймын», - деді Ахметжан Есімов.

sn.kz