Өзін-өзі ақтаған жобаның жемісі қандай?

Елімізде бірінші болып өзін-өзі ақтаған «Оңтүстік» индустриалды аймағы қазіргі уақытта жалпы құны 41 миллиард теңге болатын 66 жобаны жүзеге асыруда.

Шымкентте өнеркәсіп өндірісінің көлемі артады деп күтілуде. Индустриялық аймақ аясында 2018 жылы iске қосылған «Шымкент Темiр» ЖШС-нiң болат құю зауыты өндiрiсінiң жалпы құны 5,9 млрд. теңге болып отыр. Жылына 250 мың тонна өнiм шығаруға қауқарлы кәсiпорында 300-ге жуық адам жұмыспен қамтылған. Зауыт - ТМД елдерiнде баламасы жоқ, заманауи құрылғылармен жабдықталған. Өндіріс ошағы толықтай iске қосылғанда жылына 1 миллион тонна өнiм алу жоспарланып, 2100 адам жұмыспен қамтылады деп күтілуде.

Сонымен қатар, индустриалдық аймақ аясынжа «Ferrum-Vtor» ЖШС-ның болат құю цехы да өз жұмысын сәтті атқаруда. Жобаның құны 1 млрд. 244 млн. теңгені құрайды, Онда 235 адам жұмыспен қамтылған. Мұнда еуропалық стандарттарға сай және баға жағынан тиімді тот баспайтын болат металы шығарылады.

Айта кетейік, «Оңтүстік» индустриалды аймақта қазіргі уақытта 4 мыңнан астам жұмыс орны құрылған.