Алматы қаласы Мемлекеттік активтер басқармасында сыбайлас жемқорлық тәуекелдеріне ішкі талдау жүргізілді

Алматы қаласы Мемлекеттік активтер басқармасы басшысының 2020 жылғы 17 маусымдағы № 1684 бұйрығымен сыбайлас жемқорлық тәуекелдеріне ішкі талдау жүргізу үшін жұмыс тобы құрылған.

Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларының 8 тармағына сәйкес, Басқармада сыбайлас жемқорлық тәуекелдеріне келесідей бағыттар бойынша ішкі талдау жүргізілді:

1) бөлімшенің қызметін қозғайтын нормативтік құқықтық актілерде және құқықтық актілерде сыбайлас жемқорлық тәуекелдерін анықтау;

2) бөлімшенің ұйымдастырушылық-басқарушылық қызметіндегі сыбайлас жемқорлық тәуекелдерін анықтау.

2020 жылдың бірінші жартыжылдығында жүргізілген сыбайлас жемқорлық тәуекелдерін ішкі талдау нәтижелері бойынша мемлекеттік меншік объектілерін – желілерді, байланыс (телефондандыру) құрылыстарын басқару процесінде сыбайлас жемқорлық тәуекелдері анықталды.

Осылайша, қазіргі уақытта Қазақстан Республикасының заңнамасында Алматы қаласы Әкімдігі салған байланыс желілерін, құрылыстарын техникалық шартты берген және байланыс құрылыстарын пайдаланатын ұйымның меншігіне берудің құқықтық тетігі жоқ, бұл оларға қызмет көрсету мен ұстауға теріс әсер етеді.

- Осыған байланысты, Қазақстан Республикасының «Мемлекеттік мүлік туралы» және «Байланыс туралы» Заңдарына байланыс желілерін, құрылыстарын техникалық шарт берген және байланыс құрылыстарын пайдаланатын ұйымның меншігіне өтеусіз беруді көздейтін нормалармен толықтыруды ұсынамыз, - деп хабарлайды басқарма.

Электр желілері бойынша осындай тәжірибе бар. Қазақстан Республикасының «Мемлекеттік мүлік туралы» Заңының 119-3 бабына сәйкес, құрылыс салу аймағынан шығарылған байланыс жолдарын (желілерін), құрылыс жайларын Қазақстан Республикасының заңнамасына сәйкес құрылысқа тапсырыс беруші реконструкциялау учаскесінде шығару (көшіру) жүзеге асырылған байланыс жолдарының (желілерінің), құрылыс жайларының меншік иесі болып табылатын ұйымның меншігіне өтеусіз беруге тиіс.

Басқарма ұсынған Жаңалықтар байланыс желілерін одан әрі қызмет көрсету және ұстау мақсатында тиісті тұлғаға беруді жеделдетеді.

Объектілерді беру рәсімінің созылуы халық арасында әлеуметтік шиеленіске алып келуі мүмкін, бұл сыбайлас жемқорлық әрекеттердің туындауына алып келуі мүмкін.

Анықталған сыбайлас жемқорлық тәуекелдерін жою мақсатында жұмыс тобының басшысы іс-шаралар жоспарын бекітті.

Сыбайлас жемқорлық тәуекелдерін болдырмау үшін басқарма Қазақстан Республикасы Білім және ғылым министрлігіне электрондық цифрлық қолтаңбаны пайдалану арқылы электрондық форматта тендер өткізу рәсімін қарастыру ұсынысымен хат жіберді.

Бұл шаралар мектепке дейінгі және орта білім беру ұйымдарында балаларды тамақтандыруды ұйымдастыру кезінде уақытты тиімді пайдалануға және мемлекеттік органдармен жеткізушілердің арасындағы тікелей байланысты болдыртпайды.