Шымкентте үй жағдайында жазасын өтеп отырғандар тексерілді

Аталмыш шараның мақсаты - қоғамнан оқшауланбай жазаға тартылғандар және аумақтық пробация қызметінде есепте тұрған адамдар тарапынан құқық бұзушылық пен қылмыстарды қайта қайталамас үшін алдын алу.

- Шымкент қаласының №1 пробация қызметінің және жергілікті полиция қызметінің қызметкерлерінен құралған мобильдік топтар ұйымдастырылды. Шара барысында пробация қызметінің есебінде тұрған барлық сотталғандар тұрғылықты жері бойынша тексерілді. Үй-үйді аралау, есепке алынған адамдармен және олардың туыстарымен профилактикалық әңгімелесу жүргізілді. Сот үкімімен белгіленген түнгі уақытта сотталғандардың тұрғылықты жері бойынша болмауы сияқты міндеттерді бұзғаны үшін, сондай-ақ сотталғандар тарапынан әкімшілік құқық бұзушылық фактілері анықталған үшін олар жауапкершілікке тартылады, - деп атап өтті Еңбекші ауданы №1 пробация қызметі бастығының орынбасары Валентина Коваленко.