Цой: Коронавирус бойынша жағдай тұрақталып келеді

Қазақстанда коронавирус анықталған адамдардың саны 73 468-ге жетіп, осы күнге дейін 585 адам қайтыс болды. Дегенмен қатаң карантин шаралары әсерінен ахуал біртіндеп жақсарып келеді. Бұл жайында бүгінгі Үкімет отырысында Денсаулық сақтау министрі Алексей Цой айтты.

«Соңғы аптада коронавирус жұқтыру мен өлім саны бойынша жағдайдың тұрақталуы байқалады. Тәулігіне 1500-1600 адамнан вирус анықталады. Осы айдың соңғы 3 аптасында жатын орындар саны 30,4 мыңнан 49,4 мыңға көбейді. Қосымша 5,3 мың инфекциялық жатын орын дайындалды. Осының нәтижесінде, медициналық көмектің қолжетімділігі артты», - деді ол баяндамасында.

Соңғы екі аптада қабылданған шаралар нәтижесінде, COVID-19 жұқтыратындар саны 4%-дан 2,1 %-ға азайып, жазылып шыққандар 60%-ға жеткен. Жедел жәрдем шақырушылар 23%-ға, провизорлық жатын орындардағы науқастар 20%-ға, реанимацияда жатқандар 6%-ға төмендеген.

Министрдің айтуынша, 2962 жедел жәрдем бригадасы құрылған, оның саны жыл соңына дейін 3500-ге жеткізілмек.

Азаттық рухы