Министр түсіндірді: Елімізде коронавирус неліктен күрт өршіп кетті?

Денсаулық сақтау министрі Алексей Цой "Хабар 24" арнасына берген сұхбатында елімізде коронавирустың күрт өршіп кету себебін түсіндірді.

Оның айтуынша, вирустың таралуы жыл соңына дейін, тіпті келесі жылы да қауіпті болуы мүмкін. Індет таралмасын десек, тұрғындар әлеуметтік арақашықтықты ұстануы керек.

Сонымен қатар Алексей Цой вирустың өршу себебі туралы да айтты. Оның айтуына қарағанда, бұған тұрғындардың карантиндік шаралар жеңілдетілгеннен кейін босаңсып кеткені себеп болды.

Сала басшысының айтуынша, маска тағу режимін сақтамастан қоғамдық орындарда жайбарақат жүргендердің қатары артқан.