Гонконг Қазақстан мен АҚШ-ты COVID-19 таралу қаупі жоғары елдердің қатарына енгізді

Гонконг халық арасында коронавирустың тарауының күрт өсуіне алаңдаулы. Ел билігі Қазақстан мен АҚШ-ты COVID-19 таралу қаупі жоғары елдердің тізіміне енгізді, - деп хабарлайды "Синьхуа".

Сонымен қатар Гонконгта бейсенбіден бастап екі аптаға дейін жаңа ереже қабылданды - жабық типтегі барлық қоғамдық орында, оның ішінде, сауда орталығы, супермаркет, автобус аялдамасында маска тағу міндеттелді. Бұл туралы Қытайдың арнайы әкімшілік ауданының денсаулық сақтау министрі София Чан хабарлады.

Сәрсенбідегі жағдай бойынша, Гонконгте коронавирус жұқтырған 113 адам анықталған. Олардың көбі вирусты мейрамхана, базар секілді жерлерде жұқтырған. Елде COVID-19 жұқтырғандардың жалпы саны 2132-ге жеткен.

tengrinews.kz