Майк Тайсон мен Рой Джонс жекпе-жегінің өтетін күні белгілі болды

Майк Тайсон мен кіші Рой Джонстың жекпе-жегі 12 қыркүйекте Калифорнияда болады.

Жекпе-жек 8 раунд форматында өтеді.

Сәуір айының соңында Тайсон рингіге оралатынын хабарлаған болатын. 54 жастағы америкалықтың есебінде 50 жеңіс (44 нокаут), 6 жеңіліс бар, тағы екі жекпе-жек өтпеді деп танылды. Боксшының соңғы айқасы 2005 жылдың 11 маусымында өтті. Онда америкалық боксшы ирландық Кевин Макбрайдтан жеңілген еді.

50 жастағы Джонс 2018 жылы спорттағы карьерасын аяқтаған болатын. Оның қоржынында 66 жеңіс (47 нокаут) пен 9 жеңіліс бар.