Ауа райының қолайсыздығына байланысты бірнеше өңірде ескерту жарияланды

Нұр-Сұлтанда және 6 облыста ауа райы қолайсыз болады. Соған байланысты ескерту жарияланды.

27 шілдеде Ақмолада найзағай ойнап, бұршақ жауады, желдің күші 15-20 м/с. Түнде және таңертең кей жерлерде тұман түсуі мүмкін. Нұр-Сұлтан мен Көкшетауда найзағай ойнайды.

Маңғыстауда кей жерлерде найзағай ойнап, желдің күші 15-20 м/с. Күндіз оңтүстікте 40 градус ыстық болады.

Павлодарда күн күркіреп, найзағай соғады, желдің күші 18 м/с. Түнде және таңертең кей жерлер тұманды болады.

Қостанайда күн күркіреп, кей жерлерде дауыл соғып, бұршақ жауады. Түнде және таңертең кей жерлерде тұман түседі, желдің күші 20 м/с.

Солтүстік Қазақстанда күн күркіреп, кей жерлерде бұршақ жауады. Түнде және таңертең кей жерлерде тұман түседі.

Қызылорда облысында жел күшейіп, өрт қаупі сақталады.