Қытайда коронавирус жұқтырғандар қайта көбейіп жатыр

Қытайда наурыздың басынан бері COVID-19 жұқтырғандардың рекордтық көрсеткіші тіркелді. Бұл туралы Reuters агенттігі хабарлады.

Олардың хабарлауынша, 26 шілдеде 61 адам коронавирус жұқтырған. 61 жағдайдың 57-сі ел ішінде (Шыңжан-Ұйғыр автономиялық ауданында 41 адам, Ляонин провинциясында 14 адам және Цзилинь провинциясында 2 адам), ал қалған төртеуі басқа елдерде жұқтырған. Сондай-ақ елде 44 симптомсыз тасымалдаушы тіркелген.

Қытайда жалпы 83 891 адам коронавирус жұқтырған. 4 634 науқас қайтыс болған болса, 78 918 адам дертінен емделіп шыққан.