COVID-19

Германияда COVID-19-дың екінші толқыны басталды

Сарапшылар пікір білдірді

Авторларды қолдау орталығы

mediabugin@gmail.com

Marburger Bund неміс дәрігерлер бірлестігінің төрайымы Зузанне Йона Германияда коронавирустың екінші толқыны басталғанын мәлімдеді, деп хабарлайды Bugin.kz тәуелсіз авторлар платформасы tengrinews.kz сайтына сілтеме жасап.

"Біздің екінші толқын басталды. Ауру жұқтырғандардың толқыны әзірге аса жоғары емес", - деді Йона.

Оның айтуынша, Германияда наурыз және сәуірде болған алғашқы толқынға қарағанда екінші толқын әлсіздеу.

"Жұқтырғандар саны қайтып көбейіп келе жатыр. Қауіп туралы ұмытып, қалыпты өмірге қайта келгіміз келгендіктен, Германияда бұған дейін қол жеткізген нәтижелерді жоғалтып алуымыз мүмкін. Сондай қауіп бар", - деп ескертті төрайым.

Коронавирустың екінші толқынына алаңдау вирус жұқтырғандар санының бірден өсуіне байланысты болып отыр. Германияда бір тәулікте 500-ден астам жаңа жағдай тіркелді.

Worldometer деректеріне қарағанда, елді 212 мыңнан астам адам COVID-19 жұқтырған. Оның ішінде 9 232 науқас қайтыс болды және 194 700 адам аурудан айықты.