Елімізде алдағы күндері ауа райы қандай болады?

Синоптиктер 20-22 тамыз күндері ауа райы қандай болатынын айтты, деп хабарлайды Bugin.kz тәуелсіз авторлар платформасы "Қазгидромет" өкілдеріне сілтеме жасап.

Олардың мәліметіне қарағанда, алдағы күндері Қазақстанның басым бөлігінде ауа райы тұрақсыз болады.

"Оңтүстік циклонның келуіне байланысты найзағай ойнап, жаңбыр жауады. Аптаның соңында оңтүстік-батыста қатты жаңбыр жауады. Дауыл, бұршақ түсуі мүмкін. Содан кейін қысқа антициклон жылжып, жауын-шашынның тоқтатылуы және батыста ауа температурасының аздап төмендеуі күтіледі. Республика бойынша кей жерлерде жел күшейеді", - деді синоптиктер.