Алдағы күндері ауа райы қандай болады?

Синоптиктер 25-27 тамыз күндері ауа райы қандай болатынын айтты, деп хабарлайды Bugin.kz тәуелсіз авторлар платформасы.

Олардың айтуынша, алдағы күндері еліміздің оңтүстігінде ауа температурасы жоғарылайды.

"Қазақстан аумағының басым бөлігі әлі де биік циклонның ықпалында болады, онымен жаңбыр, кей жерлерде қатты жаңбыр жауады. Тек республиканың батысында жауын-шашынсыз ауа райы сақталады. Қазақстан бойынша кей жерлерде найзағай, тұман, дауыл күтіледі, жел 15-25 м/с күшейеді, бұршақ түсуі мүмкін. Еліміздің оңтүстік және оңтүстік-шығыс өңірлерін қоспағанда, көптеген өңірлерде ауа температурасының біртіндеп көтерілуі күтіледі, онда күндізгі температураның 20-25-ке дейін, кей жерлерде 28-ге дейін төмендеуі болжанады", - дейді олар.