БАҚ: Ким Чен Ын комада жатыр

Солтүстік Кореяның басшысы Ким Чен Ын комада жатыр, деп мәлімдеді The New York Post басылымына Оңтүстік Кореяның дипломаты Чан Сон Мин.

Дипломат Оңтүстік Кореяның марқұм президенті Ким Дэ Чжунның көмекшісі болып жұмыс істеген. Ол КХДР билігі Ким Чен Ынның денсаулығының нашарлауы туралы шындықты жасырады деп мәлімдеді.

"Менің ойымша, ол комада, бірақ ол қайтыс болған жоқ", - деді Чанг Сон Мин. 

Ол сонымен бірге Солтүстік Корея лидерінің әпкесі Ким Е Чжон бауырының өкілеттігінің бір бөлігін өз мойнына алады деп айтып өтті.

Ким Чен Ын - Солтүстік Кореяның саяси, мемлекеттік, әскери қайраткері, 2011 жылдан бастап КХДР-ның жоғары басшысы.