Еліміздің бірнеше өңірінде ауа райы бұзылады

Ертең Қазақстанның бірнеше өңірінде ауа райы бұзылады, деп хабарлайды Bugin.kz тәуелсіз авторлар платформасы "Қазгидромет" өкілдеріне сілтеме жасап.

Олардың мәліметіне қарағанда, 27 тамызда Түркістан облысының таулы аудандарында түнде қатты жаңбыр күтіледі. Кей жерлерде найзағай, дауыл, бұршақ, солтүстік-шығыстан 15-20 м/с желдің күшеюі күтіледі.

Шымкентте түнде және таңертең найзағай, солтүстік-шығыстан екпіні 15-20 м/с желдің күшеюі күтіледі.

Қарағанды облысының кей жерінде найзағай, бұршақ күтіледі. Солтүстік-батыстан солтүстік-шығысқа жел ауысады, күндіз 27-28 тамызда кей жерлерінде күші 15-20 м/с күтіледі. Облыстың оңтүстік-батысында төтенше өрт қаупі сақталады.

Қарағандыда күндіз найзағай ойнайды.

Қызылорда облысының кей жерінде найзағай ойнап, күндіз төтенше өрт қаупі сақталады.