Аймағамбетов мұғалімдердің жалақысының тағы да өсетінін айтты

Ұстаздардың жалақысын 25 пайызға арттыру бойынша тиісті қаражат бюджет жобасында толығымен қарастырылды. Бұл туралы ҚР Білім және ғылым министрі Асхат Аймағамбетов мәлім етті, деп хабарлайды Bugin.kz тәуелсіз авторлар платформасы.

«Президенттің мұғалімдердің жалақысын 2021 жылғы 1 қаңтардан бастап 25 пайызға арттыру тапсырмасы бойынша тиісті қаражат бюджет жобасында толығымен қарастырылды. Бұған қоса, Мемлекет басшысының тапсырмасы аясында қыркүйек айынан бастап дәптер тексеру үшін үстемақы екі есе, сынып жетекшілігі үшін алатын үстемақы екі есе артатын болады», - деді министр.

Сондай-ақ Аймағамбетов магистр дәрежесі бар мұғалімдер 27 мың теңге сомасында жаңа үстемақы алатынын тағы да айтты.

Айта кетейік, Мемлекет басшысы Қасым-Жомарт Тоқаев 2021 жылдың қаңтар айынан бастап мұғалімдердің еңбекақысын 25 пайызға көбейту жөнінде шешім қабылдаған болатын.