Жыл басынан Шымкент қаласы Полиция департаменті басшысының қабылдауында 132 адам болды

Жыл басынан Шымкент қаласы Полиция департаменті бастығының қабылдауында 132 адам болды, деп хабарлайды Bugin.kz тәуелсіз авторлар платформасы Polisia.kz сайтына сілтеме жасап.

ҚР Президенті Қ.К.Тоқаевтың “Халық үніне құлақ асатын мемлекет” тұжырымдамасы аясында халықпен кері байланыс орнату мақсатында жыл басынан Шымкент қаласы Полиция департаментінің бастығы Е.Жумаханбетовтің қабылдауында 132 адам болып, олардың мәселелеріне қатысты сала мамандарынан түсіндірме жұмыстары жүргізіліп, кеңес берілді.

Жалпы Шымкент қаласы Полиция департаменті басшы құрамының, аудандық Полиция басқарма бастықтарының жеке қабылдауына 551 адам қабылданып, тиісті кеңес алған. Қазіргі кезде төтенше жағдай жариялануына байланысты Шымкент қаласы Полиция департаментінің бастығы Е.Жумаханбетов халықпен онлайн режимінде кездесу өткізуде.

Қабылдауға 20 адам қабылданды. Көтерілген мәселелер: Шымкент қаласы Полиция департаментінің ұрлық жайттары, алаяқтық, жол-көлік оқиғасы, карантин кезіндегі талаптар, кез келген бос орта басшы құрам лауазымына қабылдау бойынша.

Аталған мәселелер бойынша орта және кіші басшы бос лауазымдарын қабылдау комиссиясында баянаты қаралып, жазбаша жауап берілетіні түсіндірілді.

Барлық қылмыстық іс құжаттар зерделеніп бақылауға алынды. Айта кету керек, елімізде жарияланған төтенше жағдайға байланысты осындай форматтағы қабылдаулар қарқын алуда.