Шымкентте полицейлері қоршаған ортаны бақылау шарасын өткізді

Шымкентте “Таза Қазақстан” жедел-профилактикалық іс-шарасы барысында 405 әкімшілік құқық бұзушылық анықталды, деп хабарлайды Bugin.kz тәуелсіз авторлар платформасы Polisia.kz сайтына сілтеме жасап.

26 шілдеден бастап республика көлемінде “Таза Қазақстан” жедел-профилактикалық іс-шарасы өтуде. Осы бойынша Шымкент қаласы Полиция департаменті Жергілікті Полиция қызметі басқармасы мен Шымкент қаласы бойынша Экология департаментімен бірлесе “Бадам” және “Тоғыс” су қоймасына бірлескен рейдтік іс-шара өткізілді.

Айта өтейік, “Таза Қазақстан” жедел-профилактикалық іс-шарасының басты мақсаты – экологиялық құқықбұзушылықтардың алдын алу. Жалпы өткізілген рейдтік іс-шаралар нәтижесінде, барлығы 405 әкімшілік құқық бұзушылықтар анықталған.