Шымкентте "Жасөспірім" жедел-алдын алу шарасы өтіп жатыр

Шымкент қаласында 20-31 шілде аралығында “Жасөспірім” жедел-алдын алу шарасы өтеді, деп хабарлайды Bugin.kz тәуелсіз авторлар платформасы Шымкент қалалық полиция департаменті баспасөз қызметіне сілтеме жасап.   

Іс-шараның екінші күнінде Ішкі істер органдарына 55 жасөспірім жеткізілді. Құқық бұзушылыққа бейім алты жасөспірім және төрт қолайсыз отбасы Ішкі істер органының есебіне қойылды.

Ал түнгі сағат 23:00-ден кейін заңды өкілінсіз тұрғын үйден тыс жерлерде болған 52 жасөспірім анықталып, олардың ата-аналарына ҚР ӘҚБтК-нің 442-бабы бойынша әкімшілік құқық бұзушылық хаттамасы толтырылды. Балаларын тәрбиелеу жөніндегі міндеттерін орындамайтын екі ата-анаға ҚР ӘҚБтК-нің 127-бабы бойынша әкімшілік хаттама толтырылды. Сондай-ақ, қоғамдық орынды ластағаны үшін бір жасөспірмге ҚР ӘҚБтК-нің 434-2 бабымен әкімшілік хаттама толтырылды.

Сонымен қатар, Ішкі істер органының есебінде тұратын жасөспірімдер мен қолайсыз отбасылар тұрғылықты мекен-жайы бойынша тексерілді. Айта кетейік, “Жасөспірім” жедел профилактикалық іс-шарасы шілде айының соңына дейін жалғасады.