Шымкентте жарты жылдың ішінде жасөспірімдерге қатысты 37 қылмыстық іс қарады

Шілде айының басында Шымкент қалалық сотының «Ақпарат орталығында» Шымкент қаласының кәмелетке толмағандардың істері жөніндегі мамандандырылған ауданаралық сотының төрағасы Д.Сайханов және Ақпараттық қамтамасыз ету бөлімінің басшысы Қ.Дүйсенбидің қатысуымен 2020 жылдың 6 айын қорытындылауға арналған баспасөз мәслихаты өтті.

Баспасөз мәслихаты барысында Д.Сайханов: «Ағымдағы жылдың 6 айында сотқа жалпы 37 қылмыстық іс түскен, 11 іс 2019 жылдан қалдық ретінде өткен. Жалпы 33 іс аяқталып, 33 адамға қатысты 22 айыптау үкімі және 8 істі өндірістен тоқтату туралы қаулы шығарылған. Оның басым көпшілігі ҚК-тің 191-бабы, яғни, бөтеннің мүлкін ашық түрде жымқыру, ҚК-тің 188-бабы, яғни, бөтеннің мүлкін жасырын түрде жымқыру, ҚК-тің 293-бабы, яғни, бұзақылық бойынша қылмыстық істер болып табылады. Жеке айыптау істерінен басқа қылмыстық істердің барлығына прокурор қатысқан. 3 жеке қаулы шығарылған. (оның ішінде тергеу және анықтау органдарына - 2, т.б. - 1).