«Болашағымыз ұзақ болады»: Қырғызстан Ресейдің құрамына қосылғалы жатыр ма? - на bugin.kz
Bugin.kz - на bugin.kz Bugin.kz

Қырғызстанда Ресей құрамына қосылу мәселесі талқыланып жатыр

Қырғызстанда Ресей құрамына кіру мәселесі талқыланып жатыр. Бұл туралы видеосұхбат кезінде Мәскеудегі қырғыз диаспорасының төрағасы, Қырғызстанның Ресейдегі экс-елшісі Райымқұл Аттакуров "Правда.ру" порталына мәлімдеді, деп хабарлайды Bugin.kz тәуелсіз авторлар платформасы Tengrinews.kz сайтына сілтеме жасап.

"Тарихи тағдырымыз бізге бірге болуды жазған. Ғасырлар бойы біз біргеміз. Біздің ортақ тарихымыз бар және болашағымыз да ұзақ болады деп үміттенеміз. Қазір көптеген қырғыздың Ресей Федерациясына республикалардың бірі ретінде қосылуға ұсыныс жасау туралы ойы бар", - деді Аттакуров.

Қырғызстанда мұндай әңгімелер шынымен бар ма деген сұраққа бұрынғы елші "Иә, Қырғызстанда бұл бар" деп жауап берді.

"Бұл жерде диаспоралық жұртшылық арасында да осындай мәселе туындайды және талқыланады. Әрине, мұны дереу және жылдам іске асыруға болмайды. Бірақ, менің ойымша, бұған бару керек, өйткені өмірдің өзі бізді бірлікке итермелеп тұр", - деді ол.

Сондай-ақ Аттакуров "Қырғызстан - бұрынғы КСРО республикаларының арасындағы орыс тілі мемлекеттік, конституциялық тіл мәртебесіне ие жалғыз ел" екенін атап өтті.

"Мұны халықтың өзі қолдап отыр. Әрине, біздің Еуразиялық экономикалық одаққа қатысуымыз көптеген бағытқа оң әсер етеді", - деді Ресей Президенті жанындағы Ұлтаралық қатынастар жөніндегі комиссияның сарапшысы.

0 Пікір Кіру