Полиция Қуат Хамитовтің ұсталғанын хабарлады

Қазақстандық файтер "Найман" әлеуметтік желіде зорлық-зомбылыққа үгіттегені үшін жауапқа тартылды, деп хабарлайды Bugin.kz тәуелсіз авторлар платформасы Polisia.kz сайтына сілтеме жасап.

Әлеуметтік желіге мониторинг жасау кезінде Қуат Хамитовтың видеосы анықталды. Бұл жағдай Қылмыстық кодекстің 272-бабы 3-бөлігіне сәйкес, сотқа дейінгі тергеудің бірыңғай тізіміне енгізілді.

Тергеу шараларының қорытындысы бойынша нақты процессуалды шешім шығарылады. Хамитовтың әрекетіне құқықтық баға беріледі, делінген сайтта.

Биліктің заңды талаптарына белсенді бағынбауға, жаппай тәртіпсіздікке және азаматтарға қатысты күш қолдануға шақыру, арандату үшін үш жылға дейін бас бостандығынан айыру немесе осы мерзімге бас бостандығын шектеу жазасы қарастырылған.