34 жастағы қазақстандық Украинада «Нафтогаз» топ-менеджері болды

34 жастағы қазақстандық Олжас Байғанов украиналық "Нафтогаз" компаниясының жаңа топ-менеджері болды, деп хабарлайды Bugin.kz тәуелсіз авторлар платформасы Tengrinews.kz сайтына сілтеме жасап.

Мұндай ақпаратты оның ағасы, танымал экономист Арман Байғанов айтты.

Оның сөзінше, Олжас "Барлау және өндіру" дивизионының коммерциялық жоспарлау және бизнес дамыту жөніндегі басқарушы директоры болып тағайындалды.

"Ол жерде көп жұмыс атқарылады. Олар компанияны ІРО-ға, Лондон биржасына шығуға дайындайды. Олжас сыртқы, техникалық аудиториямен өзара қарым-қатынасқа жауап береді. Бұл - жауапкершілігі жоғары жұмыс. Олжас Санжар Жаркешовтің ұсынымы бойынша шақыртылды. Ол оны білімді маман, өз ісінің шебері деп біледі", - деді Арман Байғанов.

Ағасы Олжастың қарамағында төрт департамент болатынын атап өтті.

Еске салайық, бұған дейін Қазақстанның бұрынғы экология, геология және табиғи ресурстар вице-министрі Санжар Жаркешов "Нафтогазда" жоғары лауазымға тағайындалғаны хабарланды. Ол "Барлау және өндіру" дивизионы басшысының орынбасары болды.