Алдағы күндері ауа райы қандай болады?

Синоптиктер демалыс күндері ауа райы қандай болатынын айтты, деп хабарлайды Bugin.kz тәуелсіз авторлар платформасы "Қазгидромет" өкілдеріне сілтеме жасап.

"Алдағы күндері Қазақстанның ауа райын солтүстік-батыс антициклоны анықтайды. Оның келуімен ауа райы көбіне жауын-шашынсыз болады деп күтіледі. Тек еліміздің солтүстік-шығыс бөлігі циклон жырасының ықпалында болады, осыған байланысты кей жерлерде жауын-шашын, негізінен жаңбыр жауады. Республика бойынша кей жерлерде тұман, желдің күшеюі, оңтүстік өңірлерде шаңды дауыл күтіледі", - деді синоптиктер.