Роналду ТОП-5 лигада 450 гол соққан алғашқы футболшы атанды

Туриндік "Ювентус" командасының шабуылшысы Криштиану Роналду Еуропа біріншіліктерінде бірінші болып 450 гол соққан футболшы атанды, деп хабарлайды Bugin.kz тәуелсіз авторлар платформасы tengrinews.kz сайтына сілтеме жасап.

Cпорт порталының мәліметінше, Роналду кеше тунде Италия біріншілігінің 2-турында "Рома" қақпасына екі гол соқты (2:2). Осылайша ол Англия, Германия, Испания, Италия, Франция секілді үздік бес чемпионатта рекорд орнатты.

450 гол соғу үшін Роналду 554 ойын өткізген. Ол "Ювентус" сапында Италия біріншілігінде 55, "Реал" сапында 311, "Манчестер Юнайтед" сапында 84 гол салған.

Португалия құрамасының шабуылшысы "Ювентус" сапына 2018 жылы "Реалдан" ауысып келген болатын. Роналду үшін туриндік клуб 112 миллионға шығындалды. 35 жастағы шабуылшының командасымен 2022 жылдың жазына дейін келісімшарт бар. Ол биыл екі кездесу өткізіп, үш гол соқты.