Цой халықаралық әуе тасымалын көбейтпеуді ұсынды

Үкімет отырысында Алексей Цой Түркиямен әуе қатынасын азайтып, басқа елдермен қосымша әуе қатынасын қалпына келтірмеуді ұсынды.

«Шет елдердегі жағдайдың нашарлауын ескере отырып, инфекцияның енуіне және таралуына жол бермеу үшін 5 қазаннан бастап басқа елдермен қосымша рейстердің қайта басталуын тоқтату, рейстер қалпына келтірілген елдермен байланысты арттырмау, Түркия Республикасына рейстердің санын азайту ұсынылады» - деді, Денсаулық сақтау министрі.

«Екінші санаттағы елдерден келетін адамдар үшін: термометрия, сауалнама, COVID-19 жоқ екенін растайтын мерзімі 3 күннен аспайтын анықтама сынды талаптар қойылу қажет. Ал анықтама жоқ болған жағдайда, ұшып келгендер арнайы зертханалық жұмыстар жүргізілуі үшін, карантиндік ауруханада екі күнге дейін оқшауланады», - деп қосты министр.