Елімізде тоғыз әкім отставкаға кетуге өтініш берген

Жыл басынан бері елімізде аудандық және облыстық деңгейдегі 9 әкім отставкаға кету туралы өтініш берді, алтауы қызметтен кетті, деп хабарлайды Bugin.kz тәуелсіз авторлар платформасы Newsroom+Ақпарат агенттігіне сілтеме жасап.

Олардың мәліметіне қарағанда, тоғыз айдың ішінде аудандық және облыстық деңгейдегі 9 әкім отставкаға кету туралы өтініш берген. Алтауы жұмыстан шығарылды. Екі әкімнің отставкасы қабылданған жоқ.

"Сәтбаев қаласының әкімі Ыдырысов пен Алматы облысы Панфилов ауданының әкімі Өмірәлиевтің отставкасы қабылданған жоқ. Облыс әкімдері оларға "сөгіс" жариялады. Сәтбаев әкімі өтініш бермесе де болар еді. Өйткені оның қарамағындағы қызметкер жемқорлық қылмысын жаңа заң қабылданғанға дейін жасады", - деп мәлімдеді олар.