Әлем жаңалықтары

Жаңа туған нәрестені 6 ай бойы шкафта жасырған әйелдің әрекеті әшкере болды

Туған баласын шкафта сақтаған

Авторларды қолдау орталығы

mediabugin@gmail.com

Ресейдің Карпинск қаласында тұратын әйел адам жаңа туған қызын алты ай бойы шкафта сақтаған. Сәби табылғанда оның жағдайы нашар болған.  
«Нәрестенің анасы 37 жастағы әйел адам. Ол жүктілік кезі мен босанғанға дейін емханада тіркеуде болмаған екен. Сонымен қатар дәрігерлерге де қаралмаған», деп хабарлайды Bugin.kz тәуелсіз авторлар платформасы Sputnik Қазақстан сайтына сілтеме жасап.

Әйел босанғаннан кейін туыстарына нәрестенің қайтыс болғанын айтқан. Ешкім оны өтірік айтып тұр деп ойламаған.

Алайда жағдай басқаша өрбіді. Құрбылары әйелдің үйіне қонаққа келген кезде шкаф ішіндегі нәрестені кездейсоқ байқап қалған. Олар дереу тәртіп сақшыларына қоңырау шалған.

Ақпарат көзінің дерегіне қарағанда, нәресте мүлдем тамақтанбағандықтан, арықтап қалған. Қазіргі уақытта сәби Екатеринбург қаласындағы ауруханада емделіп жатыр.

Полиция тергеу жүргізуді бастап кетті. Соны қатар қылмыстық іс қозғалды.

Айта кететін жайт, күдіктінің тағы екі баласы бар. Олар әжесіне берілді.