Дональд Трамптың бұрынғы кеңесшісі қамауға алынды

АҚШ-тың президенті Дональд Трамптың сайлау науқаны кезінде кеңесші болған Роджер Стоун қамауға алынды. Бұл туралы АР хабарлайды.

АҚШ Әділет министрлігінің баспасөз қызметінің мәлімдеуінше, Роджер Стоунға жеті пункт бойынша айып тағылды. Ол жалған мәлімет беру, АҚШ Конгресс өкілдерінің Палатасына қарасты комитетке барлауға кедергі жасау, басқа куәгерлерге қысым көрсету деген бағыттар бойынша күдікті деп есептелген.

Роджер Стоун 29 қаңтар күні сот алдында жауап береді.

Есетеріңізге сала кетейік, Роджер Стоунды АҚШ Демократиялық партиясының компьютерлік жүйесін бұзу арқылы электронды хат алмасуының жайылуына себепкер деген айып тағылды.