Мемлекеттік шекарада шектеу шаралары қатаңдатылады

Қазақстан мемлекеттік шекарада шектеу шараларын күшейтеді,- деп хабарлайды bugin.kz тәуелсіз авторлар платформасы primeminister.kz. сілтеме жасап.

ҚР премьер-министрі Асқар Маминнің төрағалығымен ҚР аумағында коронавирустық инфекцияның таралуына жол бермеу жөніндегі комиссияның (ВАК) селекторлық отырысы өтті.

ВАК бірқатар шешімдер қабылдады:

-Мемлекеттік шекараны кесіп өту тәртібіне: Қазақстан Республикасының аумағында тұруға ықтиярхаты бар шетелдіктер, олардың отбасы мүшелері;  Қазақстан Республикасы азаматтарының отбасы мүшелері болып табылатын шетелдіктер үшін өзгерістер енгізу. Аталған санаттағы тұлғалар ҚР Мемлекеттік шекарасын 90 тәулікте 1 реттен артық кесіп өте алмайды (бұрын 30 тәулік болған).

-Визасыз режим бойынша 57 елдің азаматтары үшін визасыз режимді тоқтата тұру 2021 жылғы 1 мамырға дейін ұзартылсын. ҚХР мен Үндістаннан келетін транзиттік жолаушылардың ҚР аумағында 72 сағаттық визасыз болуын тоқтата тұру 2021 жылғы 1 қаңтарға дейін ұзартылсын.

-Түркиямен әуе рейстері бойынша: 9 қарашадан бастап Түркиямен халықаралық әуе рейстерінің санын аптасына 33-тен 20-ға дейін қысқарту.