Шымбұлақ пен Медеу мұз айдыны ашылады

Карантинге жабылған Шымбұлақ пен Медеу уақытша режимде ашылады, деп хабарлайды Bugin.kz тәуелсіз авторлар платформасы zakon.kz тілшісіне сілтеме жасап.

Сынақ режимінде жұмыс істеуіне рұқсат етілген туризм нысандары - 2020 жылдың 19 қарашасы мен 30 қарашасы аралығында "Медеу" спорттық-сауықтыру орталығы және 2020 жылдың 16 қарашасы мен 30 қарашасы аралығында Шымбұлақ тау-шаңғы курорты. Медеу мұз айдынына жіберілетін адам саны 500-ден аспауы тиіс. Шымбұлаққа келушілер бұрынғы қабылданатын туристер санының 30% -ынан аспауы керек, - делінген Алматы қаласының бас санитарлық дәрігері Жанарбек Бекшиннің қаулысында.

Сондай-ақ "Шымбұлақ" тау-шаңғы курорты мен "Медеу" спорттық-сауықтыру орталығының тамақтану объектілеріне рұқсат, онда да ашық аспан астында 50 орыннан аспайтын, үстелдер арасындағы қашықтық кемінде 2 метрді қамтуы керек. Бастысы ол арада ұжымдық іс-шаралар өткізуге қатаң тыйым салынады, делінген қаулы талаптарында.