Данияр Елеусінов IBF рейтингінің ең үздік боксшы қатарында

Қазақстандық боксшы Данияр Елеусінов (10-0, 6 КО) титулды жекпе-жектегі жеңістен кейін IBF рейтингінің ТОП-10 тізіміне кірді, деп хабарлайды Bugin.kz  авторлар платформасы sports.kz-ға сілтеме жасап.

28 қарашада Голливудтағы бокс алаңында жасындай жарқылдаған қазақ спортшысы бұрынғы әлем чемпионы намибиялық Джулиус Индонгоны (23-4, 12 КО) екінші раундта нокаутпен жеңіп, IBF Intercontinental титулын иеленді. Осылайша Данияр жартылай орта дивизион (66,68 келіге дейін) рейтингісінде тоғызыншы орынды еншіледі.

Бұл дивизион чемпионы - америкалық Эролл Спенс, ал рейтинг көшбасшысы - өзбекстандық Кудратилло Абдукахоров.