Жаңа жылда қанша күн демаламыз?

Қазақстандықтардың жаңа жылда қанша күн демалатыны белгілі болды, деп хабарлайды Bugin.kz авторлар платформасы Uchet.kz порталына сілтеме жасап.

Дереккөз мәліметінше, биыл жаңажылдық ресми демалыс күндері - 1 және 2 қаңтар , ал 2-сі сенбіге түсетіндіктен, демалыс 4-не, яғни дүйсенбіге ауыстырылады.

Осылайша, бес күндік жұмыс аптасы бойынша қазақстандықтар 1, 2, 3, 4 қаңтарда, ал алты күндік жұмыс аптасы бойынша қазақстандықтар 1, 2, 3 қаңтарда демалады.

31 желтоқсан - бұл ресми жұмыс күні. Ол күні демалғыңыз келсе, онда бұл туралы жұмыс берушімен алдын ала келісу керек екені айтылады.

Жаңажылдық демалыстардан кейінгі келесі демалыс бейсенбі, яғни 7 қаңтарға түседі. Бұл күні қазақстандықтар Рождествоны атап өтеді.