«Адамдардан бақытты жасырайық»

Бір періште:

- Бірақ қайда жасырамыз? Таба алмайтын болу керек олар.

Екіншісі:

- Әлемдегі е-е-ең биік таудың үстіне жасырайық, - депті.

- Жоқ, ұмытпа! Құдай оларды өте күшті етіп жаратты. Тауға шығуды тез-ақ меңгереді. Біреуі барып тауып алса, басқаларына айтады. Сосын олар да оңай тауып алады.

Үшіншісі:

- Онда е-е-ең терең мұхиттың түбіне жасырайық, - депті.

- Ұмытпа, адамдар өте ақылды. Олар сүңгитін аппарат жасап алады да, бәрібір тауып алады.

Төртіншісі:

- Еее, білдім, басқа планетаға жасырайық, - депті.

- Олар білімді, күндердің күнінде олар ғарыш кемесін жасап алады да, бақытты оңай табады.

Сонда періштелердің ішіндегі ең қариясы:

- Мен білемін қайда жасыру керек екенін.

- Қайда?

- Өздерінің ішіне. Олар бақытты сырттан іздеп басы қатып жүріп, ішінен іздеу керектігін мүлде ойланбайды, - депті.

Солай бәрі келісіпті. Содан бері адамдар бақытты сырттан іздеп өмірдерін өткізеді екен. Ал бақыт әркімнің өз ішінде.