Нұр-Сұлтан қаласы "қызыл" аймаққа енді

Нұр-Сұлтан COVID-19 таралуы бойынша қызыл аймаққа оралды, - деп хабарлайды Bugin.kz авторлар платформасы.

Денсаулық сақтау министрлігінің мәліметінше, 10 желтоқсандағы жағдай бойынша "қызыл" аймақта Нұр-Сұлтан мен Павлодар облысы орналасқан.

"Сары" аймақта: Шығыс Қазақстан, Атырау, Қостанай, Ақмола, Солтүстік Қазақстан облыстары және Алматы қаласы. Барлық қалған өңір "жасыл" аймақта орналасқан.

Айта кетейік, бүгінде Нұр-Сұлтанда коронавирус жұқтырған науқас саны – 16762, оның ішінде, 15583-і аурудан айығып шықса, 340 адам қайтыс болды.