"Спутник V" вакцинасының бағасы қанша болады?

Қазақстанда өндірілген ресейлік "Спутник V" вакцинасының құны Ресейге қарағанда жоғары болуы мүмкін. Бұл туралы Денсаулық сақтау министрлігінің Медициналық және фармацевтикалық бақылау комитеті төрағасының орынбасары Нұрлыбек Асылбеков айтты, - деп хабарлайды Bugin.kz  платформасы.

Оның айтуынша, Ресейде вакцинаның шекті құны 1942 рубль немесе шамамен 11 мың теңге болады.

"Қазір шамамен бағасы қандай болатыны есептеледі. Айта кету керек, бұл ресейліктердің жұмысы, біз сатып аламыз. Менің ойымша, бізде басқа баға болады. Логистиканы, тасымалдауды, технология трансферін ескере отырып, бұл біршама қымбат болады деп ойлаймын", - Нұрлыбек Асылбеков

Қазақстанның премьер-министрі Асқар Маминнің айтуынша, 2021 жылдың ақпанында елімізде "Спутник V" вакцинасы жаппай өндіріле бастайды.