Хорватияда 6,3 балдық жер сілкінісі орын алды

Хорватияда екі күн қатарынан қатты жер сілкініп, қалалар мен елді мекендер бұзылыпты. Бұл туралы Bugin.kz платформасы мәлімдейді. Жергілікті әкімдіктің ақпаратына сүйеніп BBC тілшісі кемінде 7 адам қаза болғанын хабарлады.

Жер сілкінісін зерттеу орталықтарының мәліметінше, 6,3 балдық жер сілкінісінің эпицентрі ел астанасы Загреб қаласының оңтүстік-шығысынан 46 шақырым жерде шамамен 28 километр тереңдікте болған.

Петрин мен Сисак қалаларында зардап шеккендер көп. Жедел жәрдем қызметі өкілдерінің хабарлауынша, адамдардың көбінің миы шайқалған, сүйегі сынған. Кейбіріне ота жасалған.

At least one death and many injuries are being reported after 6.4 magnitude #earthquake in #Zagreb #Croatia #earthquakeCroatia #petrinja

Full Story: https://t.co/zD9vUugcCE pic.twitter.com/glR01bnw1t

— Global News (@GlbBreakNews) December 29, 2020

Анықталған мәліметтер бойынша,  Балтық елдерінің тұрғындары да жер сілкінісін сезген. Табиғи апат салдарынан Загребтің бір бөлігі электр энергиясыз қалған. Тұрғындардың көбі үйлеріне кіруге қорқып, көшеде жүр.

Еске сала кетейік, 28 желтоқсанда таңертең 5,1 және 4,9 балдық екі жер сілкінісі болған.