Армандар картасын қалай жасайды?

Армандар тізбегін қағазға түсіру бізге Фэн-шуйден келген. Оны құрудағы басты мақсат – қиялымыздағы барлық арман-тілекті қағазға түсіру арқылы шындыққа айналдыру.

Армандар картасын құрастырудың бірнеше түрі бар. Бірі оны 9 бөлікке бөліп ретімен жазып сурет жабыстырса, енді біреулер жай ғана дәптерге жазып қалдырады екен. Бұл әдісті ойлап тапқан эксперттердің айтуынша картаны 9 бөлікке бөліп жасаған абзал. Жыл басында, яғни қаңтардың ай толған күніне сәйкес құрастыру оның күшін арттырады дейді.

2021 жылы картаны жасауға қолайлы уақыт жыл басының алғашы 14 күні. Күнтізбе бойынша ең қолайлы күн жылдың алғашқы айы толатын 13 қаңтар.

Тілектер тізбегін жасау үшін:

А3 форматындағы қағазды алып (яки одан да үлкен), дәл ортасына өз суретіңізді жапсырыңыз.

1. Қағазды 9 бөлікке бөліңіз (көлденең немесе тігінен өз қалауыңыз бойынша);
2. Оңтүстік-батыс бөлігін қызғылт-сары немесе қоңыр түспен бояу қажет. Бұл білім және ақыл аймағы;
3. Суретіңіздің дәл сол жақ бөлігін жасыл я болмаса көк түске бояңыз. Ал бұл отбасыңызға қатысты армандар жазылатын аймақ;
4. Солтүстік-батыс бөлігі сия көк түсті болсын. Бұл бөлік байлыққа арналады (ақша,көлік,жалақы т.б);
5. Суретіңіздің дәл үстіңгі яғни солтүстік бөлігі қызыл түсті болуы тиіс. Атақ, даңқ армандарын жазыңыз;
6. Одан оңға, солтүстік шығыс бөлігін күлгін түске бояңыз. Махаббат, неке туралы тілегіңіз қамтылсын(қиялыңыздағы жарыңыздың қасиеттерін атап өтіңіз);
7. Суретіңіздің дәл оң жақ бөлігі ақ түсті болсын. Балаларыңыз бен шығармашылыққа қатысты армандарыңызды ақтарыңыз;
8. Оңтүстік-шығыс аймағын саяхатқа арнаңыз. Сары түске бояу қажет;
9. Суретіңіздің дәл төменгі яғни оңтүстік бөлігін ашық көк түсті етіп, мансап туралы арманыңызды тізбектеңіз;

Ескере кететіні, арманыңыздың барлығын осы шақта жазыңыз. «Мен көлік алғым келеді» емес, «менің көлігім бар», «мен Дубайға барғым келеді» демей, «мен Дубайдамын» деп жазу қажет.

Күнделікті қарап, оқып, визуализация(елестету) жасасаңыз, оның күші арта түспек. Елестетуге оңайырақ болу үшін, армандарыңызға байланысты суреттерді жабыстырып қойсаңыз болғаны.

Редакция ұстанымы автор ойымен сай келмеуі мүмкін