Қазақстан ең ауасы лас мемлекеттер қатарына енді

Қазақстан ауаның ластану бойынша әлемдік рейтингте алғашқы жетілікке кіріп тұр. Бұл туралы Bugin.kz платформасы хабарлайды. 

Aqicn.org порталы ауаның ластануы бойынша әлем елдері арасында рейтинг құрастырды. Біздің еліміз 9 қаңтар, сағат 11:50- дегі ресми нәтиже бойынша ең ауасы нашар мемлекеттер қатарында жетінші орынға табан тіреді. Көшті өте үлкен көрсеткішпен Үндістан бастап тұр. 

Қазақстандағы ең лас қала ретінде Өскемен қаласы танылды. Ол аймақтағы ауаның ластану деңгейі адам өміріне «аса қауіпті» деп есептеледі. 
Айта кетейік, аталған порталдағы көрсеткіштер әрбір минут сайын өзгеріп тұрады.